ඩයරියෙන් තව පිටුවක්
රෑ දොළයි තිස් අටයි, කොරෝන මරණ එකයි, ෆෑන් එක, එක දාලා, ජෑම් එක ටයිට් කරල, හිතන්න ගත්ත, බ්රේකින් බෑඩ් සිරීස් එක අපි හැමෝගෙම ජීවිත වලට එබිල අපේ එළියට පේන සුදු ජීවිත වල හැංගිල තියෙන කලු තිරයක් ඇරල දානවද, ස්කයිල, වෝල්ට්, පින්ක්මන්, ශ්රේඩ උනත් කැරිම චරිතයක් විදියට ටික ටික බිල්ඩප් වෙනව, ඒ හැම චරිතයක්ම නිකං ආරූඪ වෙනව වගේ, කොහොමත් මුලු සීරීස් එකම ලොකු ඇඩික්ශන් එකක් කිව්වොත් සාධාරණයි, බෑඩ් ගයි, ගුඩ් ගයි, මට හිතෙන්නෙ ඔය දෙපැත්ත, සහ මැද මාවත කන්සෙප්ට් එක, මැද මාවතක් නෑ, කන්ෆම්ඩ්, එක්කො ගුඩ්, නැත්තං බෑඩ්, එක්කො බ්ලැක් ඕ වයිට්, දෙපැත්තෙන් යන ටනල්ස් දෙකක් වගේ, වෙලාවකට බ්ලැක් ටනල් එකේ යනව, වෙලාවකට වයිට් එකේ යනව, මොකෙන් ගියත් එන්ඩ් එක මරණය, ප්ලස් ඇන්ඩ් මයිනස්, ඒ ටනල්ස් දෙක බැට්රියක අග්ර දෙකක් කියල හිතුවොත්, අග්ර දෙකම ආරෝපිතයි, දෙපැත්තටම චාජස් දෙකක් තියෙනව, ඒ චාජස් එකිනෙකට ප්රතිවිරුද්ධයි, ඒක නිසා ඒකෙන් ඇති වෙනව පොටෙන්ශල් එකක්, ඒ පොටෙන්ශල් එක නිසා, මේ අග්ර දෙක යා වුනොත්, අග්ර දෙක අතර කරන්ට් එකක් ජෙනරේට් වෙනව, කරන්ට් එකක් කියන්නෙ මොකද්ද, ඊට කලින් බැට්රියක් කියන්නෙ මොන වගේ අයිටම් එකක්ද, බේසිකලි කෙමිකල් මැටිරීයල්ස් ටිකක්, කිසියම් ක්රමයකින් මේ කෙමිකල්ස් ටික සැකසුවොත්, එක පැත්තකට ඉලෙක්ට්රෝන වැඩියෙන් පවතින්න, ඉන්නකො, ඉලෙක්ට්රෝන බැස්සෙ කොහොමද සීන් එකට, කෙමිකමල් මැටිරීයල්ස් කිව්වෙ අන්තිම විග්රහයෙදි, පරමාණු නෙ, ඉතිං පරමාණු කියන්නෙ, ආයෙත්, පොඩි බැට්රියක් වගේ, ප්ලස් ඇන්ඩ් මයිනස් චාජස් දෙකක්, න්යෂ්ටියක් තියෙනව, ඒකෙ තියෙනව ප්ලස් චාජ් එක, න්යෂ්ටියෙන් පිට තියෙනව මයිනස් චාජ් එක, කොහොමත් චාජස් දෙක පවතින්නත් ඒ දෙන්න අතර, යම්කිසි ඩිස්ටන්ස් එකක් තියෙන්නම ඕන, එක ළග ඉන්න බෑනෙ දෙන්නට, කොහොමහරි මේ එළියෙන් ඉන්න මයිනස් හාදයො ටික අල්ලල එක පැත්තකින් තිබ්බොත්, ඒ පැත්ත බැට්රියෙ මයිනස් අග්රය වෙනව, ප්ලස් අග්රයෙ න්යශ්ටි ටික ඉතුරු වෙනව, එහෙනං මේ න්යශ්ටියෙ ඇතුලෙද, පරමාණුවෙ ශක්තිය ගබඩා වෙලා තිබ්බෙ, ඒත් මෙයාගෙ මයිනස් යාලුව නැතුව එතන ශක්තියක් පවතිනවද, දැට්ස් දි හෝල් පොයින්ට්.
අපි බැට්රියක අග්ර දෙක යා කරොත් වයර් එකකින්, යා කරල ලොකු ගමනක් ගිහිල්ල ආවොත්, බඩු බැහැල, බැට්රියක් බහිනව කියන්නෙ, මයිනස් සයිඩ් එකේ තිබ්බ ඔක්කොම ඉලෙක්ට්රෝන ටික, වයර් එක හරහා, ගිහිල්ල සෙට් වෙනව අදාල න්යෂ්ටි ටිකට, ආ කරන්ට් එකක් කියන්නෙ එතකොට, මේ ඉලෙක්ට්රෝන ගමන් කිරීමට, දැන් බැට්රිය නිකංම නිකං ස්කන්ධයක්, මේසයක් පුටුවක් වගේ, මේක ආයෙ සකසන්න පුලුවන් නං, ඉලෙක්ට්රෝන ඈත් කරල, මේක ආයෙ බැට්රියක්, කෙමිකල් බැට්රි එකක ගැබ් වුන ශක්තිය, නැත්තං ඒ මැරීටියල්ස් වල, පරමාණු වල ගැබ් වුන ශක්තිය, මාරු වෙනව වෙන ෆෝම් එකකට, ආකාරයට, ලයිට්, සවුන්ඩ්, මොකක් හරි, ඒ කියන්නෙ බැස්ස බැට්රියෙ ස්කන්ධයට ශක්තියක් නැද්ද, විද්යුත් ශක්තියක් නෑ, වෙන එනජි ෆෝම් එකක් තියෙනවද, ඕනම නිකංම නිකං ස්කන්ධයකට, එනජි ෆෝම් එකක් තියෙනවද, ඒක නිකං, ඔය නිකංම නිකං කලු ගලක් තියෙනව කියල හිතමුකො, ඒකෙන් මෙලෝම වැඩක් නෑ, කවුරුහරි මල පැනල, ඒ කලු ගල අරන්, තව එකෙක්ට ගැහුවොත්, ඌ එතනම මැරෙනව, එතන මොකද්ද වුනේ, කුරුලු පිහාට්ටක් අරන්, අනේ සූටි පැටිය කියල ගැහුවට ඌ මැරෙන්නෑනෙ, ස්කන්ධය මැටස් අලොට්, ස්කන්ධයට චලනයක් දුන්නොත්, ඒ ස්කන්ධයට එනව ශක්තියක්, කලු ගල උස්සල ගහපු එකාගෙ මස්ල්ස් වල ගැබ් වුන ශක්තිය, කලුගල හරහා, වෙන ෆෝම් එකකට මාරු කරා, ස්කන්ධයට චලනයක්, එක ඩිරෙක්ශන් එකකට ප්රවේගයක්, ප්රවේගය වැඩි වෙන්න වැඩි වෙන්න, ඇක්සලරේශන් එකක් දුන්නොත්, අනිවාර්යයෙන්ම එතන එනජි ලෙවල්ස් වල වෙනසක් සිද්ධ වෙනව.
වෙලාව එකයි හතලිස් දෙකයි, නින්ද ඈත තනිවෙලා, ඈත මුහුදෙ, ආකසෙන් එහා පැත්තෙ, තනිවෙලා, එන්නෑ පැත්ත පලාතෙ, හොද නරක දෙපැත්තක් නං, මැද මාවතේ ඉන්න කියන්නෙ ඇයි ඔය, අපි සාමාන්යෙන් කියන්නෙ බැලන්ස් කරගෙන යන්න කියල, මේ ප්ලස් මයිනස් එක්ස්ට්රීම්ස් දෙක මැද තියෙන්නෙ, ඇත්තටම හිස් අවකාශයක්, ෆීල්ඩ් එකක්, මේ එක්ස්ට්රීම්ස් දෙක යා වෙන්න මාධ්යක් හම්බුන ගමන්, ඉලෙක්ට්රෝන වැඩි තැන ඉදන් අඩු තැනට පනිනව, මාධ්ය හරහා කරන්ට් එකක් ඇති වෙනව, මැද මාවත කියන්නෙ, සීරො පොයින්ට් එකද, ශුන්යතාවයද, හොදත් නැති නරකත් නැති වුන්ට පතෝල වගේ කියලත් කියනව, මිරිස් වගේ එකක් හිතුවොත්, මිරිස් කෑවම විකාරයක් වෙනවනෙ, කෑ ගහගෙන, දාඩිය දාගෙන, හූ තියාගෙන, හෙන එනජි එකක් අපෙන් පිට වෙනව, ඒ එනජි එකෙන් තව එකෙක්ව මරන්නත් පුලුවන්, ඒ කියන්නෙ මේ මැද මාවතේ හිටියොත්, කරන්ට් එකක් වදින් නැද්ද, කරන්ට් එකක් නෑ කියන්නෙ, බැට්රිය බහින් නැද්ද, බැට්රිය බස්සන් නැතුව බැට්රි කන්නද, බැට්රියෙන් ලයිට් එකක් හරි පත්තු කරගෙන අනිත් උන්ටත් එළියක් වෙලා බැට්රිය බැහැල ගියත් මොකද, මොනාදෝයි මේ දොඩවන්නෙ, සයන්ස් නං සයන්ස් කතා කරපං, ෆිලෝසොෆි නං ඒක කතා කරපං, හතර වටේ ඔක්කොම පටලගෙන වත්ත වටේ දුවන්න එපා, දැන් බැස්ටිය බැහැගෙන වගේ යන්නෙ, ඔක්කොම පැටලෙනව, මහන්සියි, පෝන් පැත්තට යනවද, වෙලාව, අප්පට, තුනයි නමයයි, බෑ බෑ දැන් ඇති මනස්ගාත, සෙරනේඩ් අහල හිත නිවාගන්න වෙනව, යූටියුබ්, සෙරනේඩ් ශූබට් චෙලෝ, නුවන් අයියව මතක් වෙනව, පළවෙනි වීඩියො එකද දෙවනි එකද, ආ හරි පළවෙනි එක, ප්ලේ!
https://www.youtube.com/watch?v=_AC6EtFmbdo
ඊළග පිටුවට...
- අර්ජුමාන්
No comments:
Post a Comment